AGUR!!!

Nerabeentzat bi liburu.

'Hil ala bizi': Egilea, R.L. Stine. Orrialdeak, 228.

'Atearen atzean': Egilea, Antton Kazabon. Orrialdeak, 86.

Antton Kazabon, atzo Donostian. [LUSA]

ImprimirEnviar

BI LIBURU

Publicidad

DONOSTIA. DV. Elkar etxeak beste bi liburu plazaratu ditu nerabeentzako: Atearen atzean (An-tton Kazabon) eta Hil ala bizi (R.L. Stine). Kazabonek, oraingoan, ezinezko amodio baten inguruan eraiki du istorioa. Stine estatubatuarra, berriz, generoko idazlea da erabat, thrillerren egilea, eta oraingoan ere intriga handiko liburua idatzi du.

Kazabonen Atearen atzean istorioko protagonista nagusia neska nerabe bat da, Iraitz. Institutuan ari da ikasten eta Josu ingelesezko irakaslearekin maite- mintzen da. Neskatilari ez zaio erraza izango Josuri ezer adieraztea, hogei urte zaharrago baita gizona.

«Azken urteotan aldatu egin dut idazteko era -esan zuen Oiar-tzungo idazleak atzoko aurkezpenean-. Hasten naiz matazaren haritik tiraka, jakin gabe handik zer aterako den, jertsea aterako den edo bufanda aterako den. Hori abentura bat da».

Kazabonek esan zuen bereziki gustura idazten dituela nerabeentzako liburuak, eta tankera horretako liburu dezente plazaratu ditu azken urteotan. «Nerabeak hor jarraitzen du nigan, neurri batean», gaineratu zuen.

Atzokoan Joxerra Garzia adiskide eta unibertsitate-irakaslea izan zuen aldamenean Kazabonek. «Anttonek bi eratako narrazio-liburuak egin izan ditu: batetik, ipuin klasikoak, herri-literaturaren kontatzeko moduari jarraitzen diotenak; bestetik, bestelako ipuinak, literarioagoak, Kaixo Kattin!-ekin abiatutako bidetik doazenak, nolabait esateko. Eta gaurko hau bigarren multzo honetakoa da», esan zuen Garziak.

Garziaren iritziz, «euskararen maisu agertzen da Kazabon, erakustaldirik egin gabe». Eta era honetara definitu zuen ipuina: «Ezinezkoa den maitasuna ezinbesteko bihurtzen duen nerabe baten istorioa».

Nola lagundu etxeko lanekin?

2012/05/14

Nola lagundu gure alaba eta semeei etxerako lanekin:

• “Badaukazu etxerako lanik?” galderarekin hasi ordez… “Zer ikasi duzu gaur? Zer moduz aritu zara?” galderekin has ditzakegu gure alaba eta semeekin elkarrizketak

• Haurrarekin zereginari buruz hitz egiteko tartea hartzea; lanean hasi aurretik, bai haurrak eta baita guk geuk ere ondo ulertzeko jarduera bakoitzaren helburu eta xedea

• Ikasteko estrategia ezberdinak daudenez, zereginaren arabera gure alaba edo semeari aukeratzen laguntzea: “zein da hau egiteko modurik egokiena?”

• Ikaskuntza prozesuaren auto-erregulazioa gidatzea: “Zer ari da zara egiten? Zer egin duzu aurretik? Zer egin behar duzu gero?” “Helburuei erantzuten ari al zara?” “Amaitu aurretik zerbait aldatu behar al duzu?” “Jarduera bukatutzat ematen al duzu?”

• Gure haurrei helarazten dizkiegun mezuak esanahiz janztea. Gure interesa eta errekonozimendua agertzeaz gain, haurrak konfiantzaz aritzera (gaizki egin arren berriro errepikatzera, aurretik egindakoa hobetzera..), eta beraien jakin mina piztera (gauza berriak probatzera..) animatu behar ditugu. Nola? Bada, gai honi buruzkoak honako artikuluan jorratu genituen, beraz, hemen kontsultatu

• Zeregin baten zentzua ulertzen ez baldin badugu, haurrari laguntzeko prest gaudela baina ez dakigula oso ondo nola lagundu adieraztea; haurrak irakasleari zeregina ondo ulertu ez denez laguntza hori izan ez duela jakinarazteko eta argibide gehiago eman ahal izateko

• Zereginen kopuruak gora egiten baldin badu edo lanen izaera asko aldatzen baldin bada gure kezka irakasleari jakinaraztea (telefonoz, bilera hitzartuz…)

• Kurtso hasierako bileran eta urtean zeharreko guraso-tutore bileretan haurrek izango dituzten etxerako lanen izaeraren berri izatea eta tutorearekin batera gurasook edukiko ditugun betebeharren irudikatzea.

• Honen aurrean gure kezkak, prestutasuna, aukerak, ideiak, proposamenak irakaslearekin partekatzea

• Irakasle tutoreari gure haurrari zeregin horietan lagundu ahal izateko aholkuak eta pistak eskatzea

• Familiako kide guztien artean etxerako lanen gaia antolatzea. Honetarako beharbada beharrezkoa da aurretik familiako kide helduen artean hitz egitea eta irizpide batzuk finkatzea. Eta ondoren, irizpide horien arabera, etxeko guztien artean eskolako lanak eguneroko zereginen barruan txertatu eta beraz, nola antolatuko garen erabakitzea. Haurrari ere (aldez aurretik zehaztutako irizpide horien arabera) erabakitzeko aukera emanaz (non egingo dituen lanak, noiz –askaldu aurretik, askaria jan ondoren…-). Garrantzitsua da gure haurrak bera etxerako lanak egiten dagoen bitartean familiako beste partaide guztiok zertan arituko garen jakitea, eta denbora tarte horretan besteok ere gure zereginak ditugula ikustea (lana egin osteko deskantsua hartzea bada ere, horretan ariko garela jakitea). Haurrak zereginaren arabera laguntza nori eskatu diezaiokeen jakin dezan

• Haurrak laguntza eskatuz gero ez ezeztatzea. Beharbada beste denbora tarte bat bilatu beharko dugu momenturik egokiena ez delako. Baina haurrari arrazoia hori dela esango diogu eta noiz lagunduko diogun zehaztu.

Berdintasuna lantzeko jolasa!

Gazteentzako udaleku irekiak:

JARDUERA UGARI URDAIBAIEN:

• Kayak
• Eskalada
• Rapela
• Txirrindu ibilaldiak
• Itsasontzi ibilaldiak( Hegaluze)
• Patinak
• Multikirolak
• Era guztietako jolasak.

ANTOLATZEN DITUGU:

1. Mendiko irteerak
2. Espeleo abenturak
3. Eskalada eta rapala
4. Ezkontza edo bestelako despedidak

e-mail:urdaibaikiroleroak@hotmail.com


(Gernikan kaleko kartel batetik aterata dago. Argazkian ez da oso ondo ikusten eta horregatik berridatzi dut).

Pirata onak ere badaude!

2 Urtekoen gurasoak esakolan!

  

EuskalNatura webgunea martxan!

 

EuskalNatura EHUko zenbait biologia ikasleen artean sorturiko taldea da.

Duela bost urte sei lagun webgune bat egiten hasi ziren, naturari buruz Interneten zegoen euskarazko informazio eskasia ikusita. Hemendik aurrera, guztion eskura dago EuskalNatura webgunea.

Hainbat atal izango ditu webgune berriak, hala nola: onddo, animalia eta landareen fitxak; Euskal Herriko naturguneen fitxak; erreportajeentzako atal bat; argazki-galeria; deskargatzeko liburu eta dokumentuak; webgune interesgarrien estekak eta Euskal Herriko natur taldeei buruzko informazioa; naturako gaiei buruz jarduteko eztabaidagune bat… Informazioa txertatzen joango dira apurka apurka.

Umeekin txangoak nora egin erabakitzeko aukera polita ematen du webgune horrek.

Lana eta familia kontziliazioaren alde!

Lanaren eta familiaren kontziliazioa bultzatzen duten enpresak sarituko ditu Jaurlaritzak

guraso.com 2012/04/23

Besteak beste, neurrien artean aurreikusi dute Espainiako Gobernuari eskatzea bi seme-alaba edo gehiago dituzten guraso bakarreko familiak familia ugaritzat har ditzala, eta amatasun eta aitatasun bajak luzatu ditzala.

Eusko Jaurlaritzak abiatutako Familien Laguntza Plana 2011-2015 txostenaren arabera, 674 milioi eurotik gorako aurrekontua bideratuko du EAEko familiak laguntzeko. Neurri nagusien artean dago batzar nagusiekin eta aldundiekin hitz egitea, lanaren eta familiaren arteko kontziliazioa errazten duten enpresa pribatuei abantaila fiskalak eskaintzeko. Hala, zergetan onurak izango ditu "ordutegiak malgutzen edo enpresa barruan langileentzako espazioak sortzen" dituen enpresak.

Udako Kaleko kanpanmenduetan izena emanteko aukera!

2012/05/02/                Nork Gernika-Lumoko Hitza

Udako kaleko kanpamentuetan izena emoteko aukera du herritarrak dagoeneko. Hain zuzen  2007 eta 2000 urte bitartean –biak barne–jaiotako umeei zuzendutako kanpamenduak dira. Adin ezberdinei zuzendutako ekintzak badira be, jokoa eta gozamena dute guztiek helburu. Kanpamenduetan izena eman gura duenak Gaztelekura jo beharko du, maiatzaren 11 baino lehen.

Seigarren urtez antolatu ditu Ehunzango Jolasak taldeak aipatu kanpamentuak, Gernika-Lumoko Gazteria sailagaz elkarlanean. Aste bakoitzean gai konkretu bati helduta hainbat ekintza egingo dituzte, teknika ezberdinak erabiliz; besteak beste, antzerkiak, dantzak, abestiak, margolanak eta beste hainbat joko eta tailer. Guztiak euskeraz landuko dituztela jakinarazi dute antolatzaileek.

Herrikoek, lehentasuna daukate.

Iaz bezala, aurten be hamabostaldi bietan izango dira udalekuak; astelehenetik ostiralera 10:00etatik 13:00etara. Udako kaleko kanpamenduetan parte hartzeko plaza mugatuak izango dira. Hain zuzen, 200 umerentzako lekua egongo dela zehatu dute. Horrela, Gernika-Lumon erroldatuta dauden umeek izango dute lehentasuna. Antolatzaileek adierazi dutenez, hamabostaldi bietan emon ahal izango du izena parte hartzaileak. Lehenengo hamabostaldia uztailaren 2an hasi eta uztailaren 13an bukatuko dute; bigarrena, ostera, uztailaren 16an hasi eta uztailaren 27an bukatu.
Prezioari dagokionez, Gernika-Lumon erroldatutako umeek hamabostaldi bakoitzeko 35 euro ordaindu beharko dituztela azaldu dute, eta gainontzekoek, ostera, 40 euro.

Antzerkia edo benetazkoa?

.

Gernikako bonbardaketaren 75. urteurrena izan zenez apirilaren 26an kale antzerkia izan zen bertan eta errepresentazio bikaina egin zuten

Teknoko lana("¡¡¡Mis sudores me ha costao!!!")

IKTak, irakurketa sustatzeko pizgarri, Jaurlaritzaren irakurketa planean

guraso.com 2012/04/23

Eusko Jaurlaritzako Kultura sailak Euskal Autonomia Erkidegoko Irakurketa Plana aurkeztu berri du Legebiltzarrean. Plan eleanitza, multimodala eta multimedia bezala definitu dute.

Eusko Jaurlaritzako Kultura sailak Euskal Autonomia Erkidegoko Irakurketa Plana aurkeztu berri du Legebiltzarrean. Honen bidez, irakurketa "Euskadi garatzeko eragile" moduan sustatu nahi izan du Blanca Urgell buru duen lantaldeak. Plan eleanitza, multimodala eta multimedia bezala definitu dute. Irakurketa aisialdirako jarduera huts denaren ideia alde batera utzi eta ikasteko tresna dela gizarteratu nahi dute. Haur, gazte zein helduei zuzendutako proiektuak dira, eta irakurzaletasuna sustatzeko tresna nagusi izango dira IKTak.

Irakurketa planak 27 proiektu aurreikusten ditu, lau helburu nagusiri erantzun nahi dietenak: XXI.menderako euskal herritarren irakurketa eta idazketa gaitasuna hobetzea, irakurketa indizeak hobetzea, irakurketara heltzeko aukerak hobetzea, eta irakurketa gizartearen hezkuntza eta kultura lehentasunen artean kokatzea.

Irakurketa egungo garaietara egokitzeko beharrak bultzatuta, zeregin garrantzitsua izango dute IKTek proiektuotan. Adibidez, udal liburutegi publikoetan materiala ugari biltzen da (bibliografikoa, tokiko prentsa, material grafikoa, ikus-entzunezkoa, soinu-materiala...), eta material horiek guztiak digitalizatuko dituzte. Izan ere, tokiko esparruarentzat, herritarrentzat, hezkuntzarako eta kulturarako duten balioagatik.

Hezkuntza alorreko profesionalei begira, batetik, familiekin, haurrekin eta gazteekin lan egiteari buruzko online ikastaroak eta tutorial interaktiboak gauzatuko dituzte. Hala, irakurketarekin eta idazketarekin lotuta dauden profesionalen inplikazioa lortu nahi da, batetik, eta, bestetik, irakurketarekiko zaletasuna sustatu nahi da gazte eta nerabeen artean, aisialdiko gozamen gisa ikus dezaten. Bestetik, irakasleei irakurketa baliabideen inguruan aholkuak emateko webgune bat sortuko dute. Bertan irakasleek jakintza eta esperientziak partekatzeko aukera izango dute.

Familien 2.0 ataria sortuko dute, gurasoentzako irakurketaren inguruko informazio eta aholkuak jasotzeko espazio birtuala. Horrez gain, familiek parte hartzeko bide eta topaleku izango da webgunea. Komunitate birtuala izan nahi du, non kultura guneetako eskaintzaren gaineko jarduera nagusien berri izango duten, eta beraientzat interesgarriak izan daitezkeen albisteak helaraziko zaizkien, besteen artean.

Gazteaukerarekin elkarlanean, gazteentzako programak abiaraziko dira, plataforma birtualetan, batez ere. Sare sozialetan oinarrituko dira, eta komunikazio mugikorreko teknologien erabilpenera moldatuko dira (telefono mugikorrak, tablet digitalak...). Plataforma horietan informazio-komunikazioko zerbitzuak gaituko dira, baita parte hartzera eta sormenera bideratutako espazioak ere.

Hezkuntza, Industria, Justizia eta Herri Administrazio sailen laguntzarekin eta zenbait kultura eragilerekin (liburu-saltzaileak, editoreak, prentsa espezializatua...) atera du Kultura Sailak proiektu hau. Era berean, German Sanchez Ruiperez Fundazioaren aholkularitza ere izan du dokumentua idazterako orduan.

Oporretan pixkatxo bat ikasteko...hauxe da aproposamena.

p

FRUTA haur hezkuntzan.

Jakin ezazue oraingo honetan nagoen Arteako haureskolan ere, astean behin haurrek fruta desberdinak dastatzen dituztela!

Arteako haureskola.

Hara eta hona ordezkapenak egiten ibili ondoren...apirilaren 18tik haureskola honetan nago uztaileraino!Gainera, oso gustura aurkitzen naiz bost umerekin. Oso harrera ona izan dut!

"Introducción a la Tecnología Educativa"

 

Bost hitz gako:

1.- Globalizazioa: Gaur egun gertatzen ari den fenomenorik aipagarrienetakoa da. Aurreko mendeetan hasi zen prozesua hau. Nahiz eta komunikazio eta informazio teknika berriak sortu baina arinago hasi , hauek badaukate eragina fenomeno honetan. Izan ere,  inguruko mugak gainditu egiten dira eta eragina planeta osoaren  gain nabaritzen da ia momentu batean. Beraz,  edozein organismo edo instituziok unitate bat bezala funtzionatzen dute denbora errealean eta mundu osoan. Honen eragin kaltegarrietako bat bateratasun kulturala da eta honek era berean taldeen arteko gatazka eta desoreka sortzen du.

2.-Azkartasuna: Informatikaren hazkuntza hain azkarra izan da non orain arte tradizionalak ziren forma kulturalen gainetik pasatu da hauek baztertuz. Orain arte teknologia ezberdinekin izandako bizipenak inoiz ez dira hain azkar joan eta honek hainbat arazo dakartza: batetik, eskola instituzioan aldaketak oso astiro gertatzen direla. Honenbestez, desegokitasun handia sortzen da gizarteak daraman eboluzioan eta eskolek honi aurre egiteko eskain dezaketen programazio eta formakuntza motelean. Bestetik, helduen aldetik esfortzu handi  eskatzen du aldaketa berriei aurre egin eta atzean ez gertatzeko. Ez birziklatzeak “ Analfefetos tecnológicos” deritzan prozesua sortarazten du. Teknologietan alfabetatzea ezinbestekoa da gaur egungo teknologia eta kulturatik ondo habiatzeko.

3.-Integrazioa: Teknologia digitalak integratzea gela eta hezkuntza zentroetan  baita kultura edukiak berriro definitu eta planteatzea  ezinbesteko lana da.

Telebistak eta zineak daukan eragin handia kontuan izanda; argi izan behar dugu, bakoitzaren nortasuna eta pentsatzeko era manipulazioetatik libre izateko  hezkuntzatik hasi behar dugula gizakia horretarako prestatzen. Beraz, curriculumean ezarri beharko litzateke honi aurre egiteko hezkuntza bat bideratzea. Horrela gizartean gertatzen ari den aldaketetan ez galtzeko hain garrantzitsua den eskolan honi aurre egiteko baliabideak INTEGRATZEA.

4.- Formazioa/ Alfabetazioa: Eskolen helburuetako bat honako hau izan beharko litzateke: haurrak formatzea erabiltzaile eraginkor eta kritikoetan.Honez gain, irakasleak ere teknologia berrietan etengabe formatu behar dira honek dakarren esfortzua eta honetarako beharrezkoa den diru laguntza kontuan izanda.

Teknologian alfabetatzea ezinbestekoa da gizartea garatzeko batez ere teknologi eboluzio honetatik kanpo geratzen  diren komunitateetan. Hau lortzeko ezinbestekoa da subentzio ekonomikoak,hasierako formazio bat ematea …

5.- Testu- liburuak: Material curriculumaren barruan material printzipaletako bat da eta gainera irakasleek gehien erabiltzen dutena . Baina irakasleak konturatu  behar dira  bakarrik material hau erabiliz gero, ondorio curricularrak ekar ditzakeela : irakasleen profesionaltasun eza agerian geratuko baitzen eta irakaskuntza metodo tradizionaletan oinarritzen jarraituko litzateke eta ondorioz, haurrek bere ezagutzak sortzen ez dieten metodoekin jarraitu lukete…  Gainera material didaktiko hau bakarrik erabiltzea ez dator gaur egungo gizartearekin bat.

Bi galdera:

1.- Teknologien eragina argi dagoen gizarte honetan,  zergatik da hain zaila beraien erabilera eskolan integratzea? Proposamenik ba al daukazu hau hobetzeko?

2.- Unibertsitatean bizitako esperientziagatik, zein da hemen gehien erabiltzen diren teknologia berriak?

Sintesia

Etengabe mugitzen eta mundu digitalean murgiltzen ari den gizartean baliagarria den informazioa hautatu eta era kritiko batean erabiltzen jakiteko prestatu behar da gizakia. Beraz, nahitaez  aldaketa curricularrak eta hezkuntzaren xedearen aldaketa egin behar da eta honek era berean, erakunde instituzionalen laguntza eskatzen du.

Testuaren mamia:

Gaur egungo gure gizarteak teknologi digitalen hazkunde nabarmena ari du bizitzen. Baina prozesu honetan ez galtzeko hezkuntza erakundeek aldaketak egin behar dituzte  bestela, desegokitasun bat gertatuko litzateke gure jakintza eta beharrizanen artean.

Batetik globalizazioa deritzogun prozesuak daukan eragina gizartean argia da: Iparramerikako kultura da beste kultura guztien gainetik jartzen ari dena eta inposizio honek era berean kultura desberdinen artean gatazkak sortzen ditu. Gainera, herrialde batean egoera ekonomiko egokia dutenek erosi eta egoki erabili dezakete teknologia baina ezin du jende guztiak ez ditu aukera berriak  (  Brecha digital).Laburbilduz, mailaketa bat gertatzen da gizartean.

 Beraz, ezinbestekoa da gizakia teknologiaren mundurako prestatzea, hau da,informazio  egokia aurkitzen jakitea, ondo sailkatzea eta daukagun informazioarekin kritikoak izatea, sortzea eta edozein iturritik informazioa zabaltzen jakitea. Argi dago, ikaskuntza hau hezkuntzak bultzatu behar duela bestela gizakia ez litzateke teknologiak suposatzen duen iraultzan mugitzeko gai izango( Analfabetos tecnológicos).

Honenbestez, hezkuntzaren egitekoa hauxe da: teknologi berriak integratzea hezkuntza-sisteman eta eskolaren kulturan, haur eta irakasleentzako rol desberdinak martxan jarri, ordenagailu sare desberdinak sortzea( tele formación),lan aldaketei aurre egiteko formazioa ematea eta teknologia berriarengatik urrun geratzen diren komunitateei aukerak eskaintzea teknologiara hurbiltzeko. Baina guzti hau gertatu ahal izateko curriculum aldaketa gertatu behar da, curriculum planifikatu bat alde batera utziz eta honekin batera testu liburuen erabilera bakarra ere baztertuz . Eta ikus-entzunezko metodoak, Internet-a, intranet-a, komunikazio interaktiboak … erabiliz.

Laburbilduz, teknologi berriak curriculumean integratzea arrakastatsua izan dadin beharrezkoa da proiektu instituzional bat egotea berrikuntza hau bermatzen duena. Baita eskoletan ere informatika mailan ere prestatuak egotea ( behar beste ordenagailu izatea, internet-a edukitzea  …), gainera irakasleak ere ikuspegi berri honetarako ere birziklatu behar. Azkenik ,izaera digitaleko material ugari eskaini behar zaie ikasleei eta hauek irakasten jakin.

Baina guzti hau egiteaz gain, ordenagailuz lagundutako irakaskuntzatik (EAO)e-learning-era ( LOGO) pasatzea da azken pausua. Honek ikaslea bera jartzen du bere ikaskuntzaren protagonista bezala eta bere erritmora ikasteaz gain, ikasi nahi dituen gaiak ere aukeratzen ditu ikasleak akatsak egiteko beldurrik gabe. Hauek baitira benetako ikaskuntza lortzeko abiapuntuak.

Ondorioak,iritzi pertsonala…

Gizartearen aldaketei aurre egiteko hezkuntza zein garrantzitsua den, liburuan  behien eta berriz agertzen den ideia bat da. Honekin guztiz ados nago . Baina ikuspuntu hau aurrera eramateko irakasleen formazioa eta baliabide tekniko nahikoa edukitzea ezinbestekoa da. Egindako praktikaldietan ikusi nuen, haur hezkuntzan eta lehen hezkuntzako lehen zikloan, badaudela  proiektu ugari matematika eta hizkuntzak lantzeko jolasak erabiltzen zituztenak. Baina gehienetan arazo tekniko bat gertatzen zelako, edo programa martxan jartzeko irakasleek astirik ez zeukatelako … behar baino gutxiagotan erabiltzen ziren.

Beste arazo bat , nik bizi dudana behinik behin, teknologi berri batzuen zailtasunak edo ez jakintzak haiekiko beldurra sortarazten didatela eta honen ondorioz, teknologi berria baztertu egiten dut. Beldur honi nola aurre egin? Ba nire kasuan, unibertsitatean egunean egoteko teknologia berriak behar beharrezkoak ditudanez, mundu honetan murgiltzea baino ez zait gelditu.

Baina egunerokotasunean  behar ez izanez gero, hauekiko beldurra areagotu egiten da eta uste dut hau ez dela irakaskuntzan bakarrik gertatzen, askoz ere orokorragoa dela. Honi aurre egiteko bide bakarra kurtsoak eta etengabeko formazioa eskaintzea da nire ustean. Ez bakarrik hezkuntzan , lanpostu guztietan ere beharrezkoa da etengabeko birziklapena. Horrela, gizartearekin bat mugituko ginateke .

Baina egia da ere nahiz eta aurrerapenaren alde egon sare sozialen mundu horrek ez didala konfiantzarik ematen. Mundu guztia da denen lagun baina azken batena benetako emozio edo sentimenduak ez direlakoan nago. Eta gizarte birtual baten aurrean ote gauden galdetzen diot nire buruari.

Haur hezkuntza hobetzeko asmoz...

Esperimentazio jolasak haur hezkuntzan

Haur hezkuntzako curriculuma bi urtetan zehar landu eta gero, ihaz hasi ginen haur hezkuntzako mintegian apur bat sakontzen metodologia atalean. Horretarako, eta curriculumaren orientabide metodologikoak kontuan hartuz, jolasa hartu genuen ardatz. Jolas sinbolikoa aztertu eta gero esperimentazio jolasak landu genituen. Aurten jarraipena eman diogu gaiari: tartekatzen ari gara oinarri teoriko txiki bat, Constance Kamii-ren eskutik, geletako aplikazio zuzena eta, batez ere, irakasleen esperientzien trukaketa.
Testu inguru honetan, aukera izan dugu gaur Berritzegune nagusiko Zientzia hezkuntzako arduraduna, Carlos García, guregana etortzeko. 24 irakasle egon gara Carlosek proposatutako hainbat jarduera egiten airea ardatza izanik. Airearen ezaugarri eta propietate batzuk egiaztatu ditugu: pisua, presioa; aldagai batzuen eragina airean: tenperatura; airearen eragina hainbat objetuetan… eguneroko bizitzako baliabideak erabiliz

Hezkuntza inklusioaren alde.

Aldizkari digital INTERESGARRI bat!

Aldizkari digitala “Papeles de educación” revista digital

Zuei ere gertatzen zaizuela zihur nago: sarean murgiltzen naizen bakoitzean bilatzen ez nuen zer edo zer topatzen dut. Askotan baso birtual honetan galtzeko arriskua dago, baina batzutan web gune interesgarriak ere aurkitzen ditugu. Hau da Papeles de educación webgunearekin gertatu zaidana: haur eta lehen hezkuntzaren inguruko hainbat artikulu interesgarriak topatu ditzakegu.

Euskal Udalekuak! Udan ere euskaraz!

                 Udan ere euskaraz bizitzeko, Euskal Udalekuak!

<>

2012/03/27 Ireki da euskal udalekuetarako izen-emate epea. Abaigar, Goñi eta Bernedoko udalekuetan balio asko lantzeaz gain, horien guztien artean bat nabarmentzen da: gazteei euskaraz bizi ahal izateko aukerak eta tresnak eskaintzea, eta euskaraz bizitzearen aldeko kontzientzia sustatzea. 60. hamarkadan antolatu zituzten estreinako euskarazko udalekuak, ikastolen sorrerarekin bat. Urtean zehar ikastoletan egindako lanari jarraipena ematea izan zen euskarazko udalekuak sortzearen arrazoi nagusia. Frankismo garai gogorrak izan arren, 60. hamarkadan, jada, ikastoletan euskaraz irakasten zuten; klandestinitatean, baina euskaraz. Barria, Saturraran, Deba, Ozaeta, Beire*... Udaleku mordoa antolatu zuten orduko euskaltzale haiek, eta orduko haiek egindako lanaren oinordeko dira Euskal Udalekuak. Gaur egun, hiru etxe edo udaleku dituzte Euskal Udalekuek Abaigar, Goñi eta Bernedo. Guztira 11 txanda dituzte aurtengoan, uztaila eta abuztua bitartean, 1995etik 2005era jaiotako haur eta gazteentzat. Izen-ematea apirilaren 13ra bitartean dago irekita, www.euskaludalekuak.org webgunean dagoen fitxa betez. Informazio gehiago telefono honetan (18:00 - 20:00): 943751407. Albistearen eta argazkiaren iturria

---

Familian jolasteko beste jolas bat!

Euskal Herrian ihesi.

Euskal Herriko lehen turismo gida interaktiboa martxan jarri dute.

Erabiltzaileen proposamenetan oinarritzen da webgune berria. 'Argia'-k landu du proiektua.

2012-03-26

Euskal Herriko lehen turismo gida interaktiboa martxan dago jada. Euskal Herrian Ihesi izena du, eta Euskal Herrian bidaiatzerakoan sortzen diren eguneroko galderei erantzuna eman nahi die webguneak. Horregatik, erabiltzaileen proposamenetan oinarritzen da.

Informazioa lurraldeka eta zonaldeka sailkatuta dago. Herri bakoitzaren fitxan sartuta, herriari buruzko informazio orokorra eta argazkiak aurki daitezke; hala nola, biztanle kopurua, herriaren sorrera data, Udaleko webgunea edo herriko festen gaineko informazioa.
Webgunea Argia-ren proiektua da, eta guneko eduki guztiek Creative Commons lizentzia dute. Iametza Interaktiboak gorpuztu du webgunea.

Zer da Z.I.G.-a? Bisitatu beraien blog-a !

Z.I.G.k (S.A.T.) Zereginen Ikasketa Gela esa nahi du, gela honetara etorten garenok ez daukagu D.B.H.ko maila berdina eta gure gela C.I.P. egokituta dela esan genezake. Gutaz gehiago jakin nahi baduzu, sar zaitez gure BLOGean.


Z.I:G.-a zer den ulertzeko eta bereaien esperientziaz ikasi eta gozatzeko hemen idazten dizuet beraien blog-aren helbidea. Benetan interesgarria! Beraiekin egon nintzen hiru egunetan eta guztiz harrituta utzi ninduten. Animatu eta sartu beraien blog-ean!

http://txorierrikoziga.blogspot.com.es/

Mintzairaren trastornoak. Noiz kezkatu?

 

Mintzairaren trastornoak

Jabier Agirre 2012/03/16

• Pediatria

Zure seme-alabak arazoak al dauzka hitzak ahoskatzerakoan? Espresatzeko zailtasunak al dauzka? Edo ez ditu esaldiak modu egokian josten? Ez larritu, arazo horiek guztiak normalean, konpontzeko modukoak dira eta.

Umeek pixkanaka ikasten dute hitz egiten, modu gradualean alegia. Normala da, beraz, prozesu luze horretan zehar, zailtasunak izatea. Zailtasun horiek oso nabarmenak direnean edo denbora luzeegian irauten dutenean, litekeena da mintzairaren arazo bat izatea. Kasu horretan espezialista batengana joatea komeni da. Azken kalkulu eta estimazioen arabera, haurren % 5-7k mintzairaren trastornoak dituztela pentsatzen da gaur egun. Eta kasu horietatik % 1 soilik hartu behar da dislalia larria bezala, konpontzeko zaila den arazoa bezala. Gainerako guztiak nahiko ongi eta erraz konponduko dira tratamendu egokiarekin.

Hots batzuk ez ditu ondo ahoskatzen
Trastorno horri dislalia esaten zaio eta horixe da, hain zuzen ere, mintzairan arazoak dituzten neska-mutikoen artean usuena.

● NOLA DETEKTATU
Letra jakin batzuk ahoskatzeko zailtasuna da dislalia —R eta S letrak izan ohi dira gehienetan—. Normalean letra horiek beste batzuekin ordezten ditu umeak (esate baterako L erabiliko du R letraren ordez, edo S nahiz Z nahastuko ditu). Edo gerta daiteke baita letra horiek jan edo ahaztea ere (“txakua” esango du, adibidez, “txakurra” esan beharrean).

● NOIZ KEZKATU
Hitz egiten ikasteko prozesuan zehar horrelakoak gertatzea aski gauza normala da. Ume asko pasatzen dira horrelako faseetatik, eta kasurik gehienak bere kasa konpontzen dira, aparteko tratamendurik gabe. Hala ere, lau urtetik aurrera horrelako dislalia batek hor jarraitzen badu, agian espezialista batengana eraman beharko zenuke haurra.

● ARRAZOIAK
Hiru eratako dislaliak hartu behar dira kontuan:
• organikoak: hizketaren prozesuan parte hartzen duten organoetako batean (ezpainetan, hortz-haginetan, mihian edo aho-sabaian) dauden akats edo malformazioek eraginak izaten dira.
• entzumenekoak: ondo entzuten ez duten umeetan agertzen dira. Haurrak ez badu ondo entzuten, logikoa da soinu edo hitzen bat edo beste ondo ez ahoskatu edo erreproduzitzea.
• funtzionalak: aurrez aipatutako arrazoirik ez da aurkitzen ume horietan. Ahoskera edo ebakera txarrak beste arrazoi batzuk edukiko ditu: arazo afektiboak, nortasun-arazoak, umearen heziketa-maila eskasa, gurasoen aldetiko gehiegizko babesa, ....

Ez du bere adineko umeen mailarik ematen
Haur askok atzerapenak dauzkate mintzairaren garapenean. Prozesua normal doa, baina zertxobait atzeratua. Bestela, ume horiek ez daukate arazo berezirik, dislalia edo toteltasunik.

● NOLA AGERTZEN DA
Normalean, beraiek baino urtebete edo bi urte gazteagoak diren haurren moduan hitz egiten dute. Eta bere adinerako ikasi beharko lituzketen egiturak (aditza jokatzeko moduak, edo izenaren eta adjektiboaren hurrenkera, euskararen kasuan batzuk aipatzearren) ez dituzte behar bezala erabiltzen, edo egunero erabiltzen duten hiztegia oso pobrea da, bere jirako beste haurren aldean.

● ZER EGIN
Mintzairaren atzerapenik gehienak bere kasa konpontzen dira. Hala ere, eta umearen atzerapena bi urtekoa baino handiagoa dela sumatuz gero, komeniko litzateke espezialistaren batengana eramatea, zalantzak argitu eta diagnostikoa egiteko.

Gure umea hitz-totela ote da?
Hiru urte inguruko ume askok pasatzen dute toteltasun moduko aldi bat. Gauzak esateko gogo handia eta zer kontatzeko ugari eduki arren, esan nahi dutena esateko aski gaitasunik ez daukatenez, sarritan trabatu egiten dira, eta hitz totelka has daitezke. Toteltasun horri fisiologikoa esaten zaio, normaltzat jo beharrekoa da, beraz, eta 4-5 urteren bueltan bere kasa desagertzen da. Horrela gertatzen ez bada, aldiz, litekeena da benetako hitz-toteltasuna izatea, eta, orduan bakarrik, espezialista batengana eraman beharko dugu umea, zalantzak argitzeko.

● NOLA DETEKTATU
Toteltasuna daukan umeak soinu edo hots isolatuak nahiz silaba solteak errepikatzen ditu behin eta berriz. Hitzen jario normala etengo luketen espasmo modukoak izan ohi ditu umeak. Toteltasunak maila diferenteak dauzka, hasi noizbehinkako zezelkako saioetatik eta umea espresatzeko erabateko ezintasunera daraman toteltasun larriraino.

● JATORRIA
Gaiaren inguruan ikerketa ugari egin diren arren, oraindik ez da erabat ezagutzen zein den toteltasuna eragiten duen azken arrazoia. Gaur egun, nortasunaren trastorno baten ondorioa izan daitekeela pentsatzen dute adituek, izan ere totel askok batzuetan bakarrik egiten baitute kale hitz egiterakoan, pertsona jakinen edo egoera berezien aurrean aurkitzen direnean soilik.

Zein espezialistarengana joan
Gurasoek edo hezitzaileek mintzairan arazoren bat detektatu bezain pronto (ez ahaztu sarritan lehen susmoa kanpoko batek, eskolako profesional batek adibidez hartuko duela, familia giroan umearen portaera hori normaltzat hartzen delako), pediatrarengana jo behar da aurrena. Pediatra baita gorreria, ahoko edo hortz-haginetako malformazioak nahiz trastorno psikologiko edo neurologikoak bezalako arrazoiak baztertzeko espezialistarik egokiena. Lehendabiziko azterketa horren ondotik, pediatrak berak erabakiko du zer-nolako espezialista behar duen haurrak, horrelakorik beharko balu.
● PSIKOPEDAGOGOA
Mintzairaren arazoa trastorno psikologiko edo afektiboek eragina denean.
● LOGOPEDA
Bera da mintzaira kontuetan era guztietako arazoak tratatzen dituen espezialista, hasi hortzetako edo ahoko akatsek eragindakoak, eta gaixotasun neurologikoak, ahotsean egon daitezkeen arazoak, etab. tratatzeraino.

Aholkuak gurasoentzat
* Hitz egin zure haurrari lehen unetik. Zure hitzen esanahia ulertzen ez badu ere, belarria landu eta heziko diozu, ondorengo ikaskuntza errazteko.
* Pixka bat koxkortzen denean, esaiozu zure hitzak errepikatzeko. Horrelakoak gustukoak izaten ditu haurrak, baina jolas moduan izan dadila, inolaz ere behartu gabe.
* Ez erabili haur-hizkerarik umearekin ari zarenean. Umeak imitazioz ikasten du, eta bere hizkera egokia izatea nahi baduzu, zureak ere horrelakoxea izan beharko du, eta hasieratik bertatik gainera.
* Hizketan hasten denean, ez zuzendu etengabe bere ahoskera, egokia ez bada. Mesede baino kalte gehiago egingo diozu, bere gaitasunean konfiantza galdu egingo lukeelako.
* Irakurri iezazkiozu ipuinak txiki-txikitatik. Horixe da umearen hiztegia zabaltzeko modu eraginkor eta atseginenetakoa.

Haurrekin jolasteko beste era bat!

Banaketa prozesuan dauden gurasoentzako laguntza doain.

gurasoak.upv@gmail.com
http://sites.google.com/site/gurasoak upv/

GURASOAKes un programa gratuito desarrollado para apoyar a aquellos padres y madres que están atravesando un proceso de separación o divorcio y que quieren que sus hijos e hijas afronten esta transición de la mejor forma posible. ¿ A QUIÉN VA DIRIGIDO? §  A padres y madres, matrimonios o parejas de hecho, que estén iniciando un proceso de separación o divorcio, y tengan hijos menores de edad. §  A pesar de que ambos miembros de una misma pareja pueden participar en GURASOAK, no lo harán en las mismas sesiones. §  GURASOAK no es un recurso recomendado para casos en los que existan denuncias por violencia de género o familiar. ¿ EN QUÉ CONSISTE? GURASOAK consiste en dos sesiones grupales de tres horas de duración cada una, que se llevarán a cabo en semanas consecutivas. Los niños no podrán asistir. ¿DE QUÉ FORMA SE VA A TRABAJAR? El contenido de GURASOAK se aborda a través de vídeos, seminarios, discusiones grupales, desarrollo de habilidades a través de role-playing, etc... ¿CUÁNDO, CÓMO , CUÁNTO ...? GURASOAK es gratuito, tan solo es necesario inscribirse a través de los medios que se proponen al dorso. Las sesiones se llevarán a cabo en aulas de los campus de la UPV-EHU en Leioa, Vitoria-Gasteiz y Donostia, en días laborables y en horario de tarde. Las fechas , horarios y lugares concretos se facilitarán a los interesados tras formalizar la inscripción.

Marrazki bizidunak!

ETBko marrazki bizidunak eitb.com webgunean daude ikusgai.

Marrazki bizidunak nahieran ikusi ahal izango dira hemendik aurrera www.eitb.com webgunean, ETB-3n emititzen diren marrazki bizidun sailetako batzuk eta ETBk azken urteetan eman dituen haurrentzako saioak jarri baitira ikusgai Hiru3-ren webgunean. Haurrek nahi duten momentuan nahi duten marrazkia euskaraz ikusi ahal izango dute horrela, EITBko iturriek adierazi dutenez.

BILBO. Horrela, 'Dragoi Bola', 'Shin Chan', 'Doraemon', 'Benetako mamuak', 'Etxekaltetxoak', 'Monk', 'Shaun arditxoa', 'George Oihanekoa', 'Woofy' eta ETB-3n emititzen diren marrazki guztiak edozein momentutan internet bidez ikusteko aukera dago. Atal horietako gehienak telebistan emititu eta hurrengo zazpi egunetan ikusi ahal izango dira interneten.

Teknologiaren erabileraz hausnatzeko bideo bat!!

Ingurnea zaindu behar dugu!

Beste helbide interesgarri bat.

bestegelabat.wikispaces.com/Gurasoak - 98k

Musikaren garrantzia!

Musikaren eragina gure artean

Miren Beitia 2012/01/31                           

• Musikoterapia

Musikaren eragina haur eta gurasoengan nola ematen den pentsatzen jardun dut txoko honetan idazteko aukera eman zidaten momentutik, eragina hain da handia zentzu askotan, emoziotan, kultur transmisioan, sortzailetasunean…irasagar arbola etortzen zaidala gogora adarrak etengabeko nahasketan.

Musikak bizipenak eskaintzen ditu eta horiek emozioak eragin.

Musika zertarako?

Musikak gure barnean ezkutatuta daukagun oroitzapen bat, usai bat, irudi bat, bistarazi dezake nahiz eta momentu horretan ez duguna ezagutzen. Une horretan agerian gelditzen den gauza bakarra emozioa da. Musikak emozioak pizten ditu, umore ezberdinak biziarazi: goxotasun momentuak, egonezin momentuak, momentu azkarrak eta motelak, alaiak eta tristeak. Gureak diren emozioak, ez dizkigutenak kanpotik ezartzen. Barnean daukaguna azalarazteko aukera eman dakiguke musikak, entzuten ari garena gustuko dugun ala ez alde batera utzita.

Haur eta gurasoen arteko harremanean ere egoera ezberdinak sor ditzake musikak. Goxotasun egoera bat, abesti lasai bat abesten bada oheratu aurretik adibidez. Momentu euforiko bat,erritmo biziko musika jartzen baldin bada. Deskarga momentua gorputz mugimendua erabiltzen badugu egonezin bat deskargatu nahi dugunean… Egoera ezberdinak bideratu ditzake musikak. Unetxo bat eskaintzea ezinbestekoa da ordea; musika entzun eta elkarbanatzea, harremanatzeko tresna bat dela sinestea.

Gehien kostatzen zaiguna erritmo bizian doan gizarte honetan gu eta haurren arteko harremana erritmo natural batean lantzea da. Baina musika erabili nahi dugunean ezinbestekoa da momentutxo hauek zaindu eta errespetatzea. Momentua bizitzen lagunduko digu, eta atentzioa momentu horretan jartzen. Taldean abesti bat abesten dugunean talde izaera indartzen da; haurren inguruan abestuz gero beraiek seguruenik entzule bilakatuko dira eta komunikazioari ere atea irekiko dio. Haurrek ere abesten digute, entzun! Denak zentratuta gaude. Denek une berdina elkarbizitzen dugu. Egoera konkretu bat bilatzen saia gaitezke, lasaia, mugitua… batzuetan ez dugu lortuko eta beste batzuetan bai, baina zerbait gertatuko da momentu horretan, elkarrekin egingo dugu, harremanetan gaude.

   
Argi dagoena da, emozioek ez dutela araurik, nahiz eta on eta txarretan banatzen ditugun gehienetan. Bizipenek emozioak sortzen dituzte. Musikak bizipenak eskaintzen ditu eta hauek guztien aurretik eta ondoren, EMOZIOAK daudela.

Internet erabiltzen ikastera anima zaitez!

Photoshop CS2 eta Web 2.0 ikastaroak antolatu ditu Bermeoko GIZek

2012/02/28

Ikastaroak, Kultura

Nork Bermeoko Hitza

 

Bermeoko Gazteentzako Informazio Zerbitzuak (GIZ) Internet 2.0 eta Photoshop CS2 erabiltzen ikasteko ikastaro praktikoak antolatu ditu. Ikastaroetan parte hartu gura duenak dagoeneko izena emoteko aukera du, Bermeoko GIZen.
Batetik, «gure egunerokotasunean eta lanbidean gero eta etorkizun handiagoa duen Web 2.0 fenomenoa» ezagutuko eta landuko dute ikastaroan. Hain zuzen be, ikastaro horren bitartez, besteak beste, Web 2.0ren inguruko tresnak eta aplikazioak ezagutzeko aukera izango du parte hartzen duenak.
Bestalde, Photoshop CS2 ikastaroa be antolatu du GIZek; apirilaren 16an hasi eta maiatzaren 17an bukatuko da. Astean hiru egunetan egingo dute ikastaroa

Gurasoentzako 'on line' ikastaroa.

Gurasoentzako 'on line' prestakuntza eskainiko du Amankomunazgoak

Hazkuntza eta hezkuntza lantzeko

baliagarriak izango dira lea artibain eskainiko diren ikastaroak

Markina-Xemein. Lea Artibaiko gurasoek berriz izango dute eskuragai euren seme-alabak hobeto hezteko baliagarria izango den on line ikastaroa. Amankomunazgoaren eskutik, 0 eta 6 urte bitarteko txikien hazkuntzan laguntzea helburu duen Ikasi hezteko deritzon programaren bitartez jasoko dute ikastaroa. Izen emate epea zabaldu berri dute, nahiz eta ez den datorren urteko otsaila eta maiatzera arte eskainiko.

Bi adin tarte desberdindu dituzte Amankomunazgoko arduradunek. Alde batetik, 0 eta 2 urtera bitarteko umeak dituzten gurasoentzat, eta bestetik 2 eta 6 urteko tartean direnentzat. Lehenengoek zein bigarrenek 90 ordu izango dituzte, eta Etxadiko psikologoek emango dute ikastaroa, EHUren laguntzarekin. Eta eskainiko zaien hezkuntzak teoria eta praktikak partekatuko ditu, familiaren bizitzaren antolakuntza, psikologiaren garapena ren ezagutza eta estimulazioa, edota hazkun-tzaren klabeak bezalako gaiak jorratuko dituztelarik, kasu bietan.

Hala ere, on line ikastaroa egin aurretik ebaluazio test bat egin beharko dute parte hartzaileek. Eta "proposatutako gaien inguruko formazio jarraitua izango dute. Bi saio ere antolatuko dira, tutore eta ikasleen arteko komunikazioa hobe-tzeko", gaineratu dutenez.

Orain hile batzuk Lea Artibai Amankomunazgoko ordezkariek hezkuntza programa honen froga pilotuaren gaineko datuak aurkeztu zituzten. Hogeita hiru parte hartzaile izan zituen guztira lehenengo esperientzia horrek, eta gehiengo luze batek jasotako formazioa egokia izan zela ondorioztatu zuen.

Bake museoa doan bisitatzeko aukera!

Hileko lehen igande guztietan Gernika-Lumoko Bake museoa doain bisitatzeko aukera dago. Hurrengo data 2012-04-1 ean izango da. Animatu zaitez! Haurrentzako egoki prestatua dago eta!

Eguna irrifartsu hasteko!

Haurrentzako PAILAZOAK Gernika-Lumon.

HAUR PAILAZOAK

2012eko martxoak 17
17:00 eta 19:00

 GERNIKAKO  Jai Alai Pilotalekuan.

PIRRITX, PORROTX ETA MARIMOTOTS - ZAZPIKOLOROA ...

Gernika- Lumon lehiaketa interesgarria

ALKARREGAZ guraso elkarteak sormen lehiaketa bat jarri du abian

Gernika-Lumo eta Barrutialdeko ikasle guztientzako.
Play-station 3 eta 500 € dira sari nagusiak.
Alkarregaz, Gernika-Lumo eta Busturialdeko ikastetxeetako guraso elkarteen elkarteak, 2004an hasitako ibilbidearen lehen faseari amaiera emateko lehiaketa bat antolatu du Gernika-Lumoko ikasle gazteentzako. Alkarregazeko kideek beharrezkoa ikusten dute elkartearen berrikuntza; hasitako lanari jarraipena eman eta komunitate gisa ditugun erronka berriei erantzungo dien talde berri bat, hain zuzen ere. Guraso elkarteen egoera ahulak, halaber, Alkarregazen jarraipena arriskuan jartzen du, beraz, lehiaketa gizarteari, gurasoei, egiten zaien dei bat da, euren seme-alaben eskoletako elkarteetan aktiboki parte har dezaten. Horregatik lehiaketararko proposatu den gaia zera da: guraso elkarteak alkarregaz , funtzionamendua, lana, oraina eta etorkizuna.

Bi kategoria eta aukerako zenbait modalitate daude. Lehen Kategoria LHko 3. zikloko eta DBHko lehen zikloko ikasleentzat, eta bigarrena DBH.ko bigarren zikloko, Batxilergoko eta Moduloetako ikasleentzat.
Sari nagusiak oso erakargarriak dira: play station 3 Lehen Kategorian eta 500 € Bigarren Kategorian.
Epea Apirilaren 23arte zabalik dago. Ordurako partaideek Kultur Etxean aurkeztu beharko dituzte lanak, egiletzaren identifikazioa zehaztuko duen gutunazalekin. Kontsultarako oinarriak ikastetxe guztietan eta web orrian daude…

Emakume langilearen eguna.

Zubeldia ikastetxeak egindako oparia.

Hasierako pausoa!

www.guraso.com web orrialdea gomendatzen dizuet. Hemen honako arloak lantzen dira:

• Albiste eta artikuku desberdinak agertzen dira, hala nola: "Jaioberrien diru laguntzari  eutsi egin dio Jaurlaritzak"," Eguneroko eta gaueko fardelak kentzeko gomendioak"...
• Bibo inguruan eta Donistian egingo diren kurtso desberdinak egeri dira. Bakoitza noiz eta non ematen den eta bere prezioa zein den  ondo azalduta agertzen da.
• Argazki galeri bat ere badago.
• Azkenik, alde emozionalagaratzen laguntzeko  gomendio batzuk ere badaude. Adibidez: 0-5 urteko umeetan sexualitatea nola landu...